البنات ورمضان

كل سنه وانتوا طيبين بكره رمضان وعايزين بئى نحافظ على صيامنا وبالذات الرجاله لازم بئى فى الشهر ده على الاقل يبئى فيه التزام شويه ونلبس كده نضاره سودا ولا بلاش نضاره مهو كله بيجى من تحت النضاره احنا نبص ف الارض احسن .
وفيه حاجه غريبه بلاحظها فى رمضان البنات قال ايه بيبئو ملتزمين جدا بالنهار وبعد الفطار بئى عينك ما تشوف الا النور كله بيقلع حرام عليكم هى الرجاله بئت عينها زايغه من قليل.لا وايه فيه فتوى غريبه كده بيئولوا ان الميك اب مش حرام فى رمضان الا الروج بس هو اللى حرام الحاجات التانيه لآ.مش عارفه مين اللى بيخترعلهم الحاجات دى ربنا يهدينا ويهديهم.
اما الحاجه اللى لاحظتها من قبل ما يبدأ رمضان الناس اللى بتروح تشترى الياميش والحاجات دى وبيعملوا طوابير زى طوابير العيش طيب ما يشترو شويه ولما تخلص يشترو تانى ولا هى المحلات هتقفل والبياعين هيموتوا.ولا هى دى طبيعه شعبنا بئى مدمن طوابير.