من غير زعل !!!!!!!!!
فى حديث شريف قال رسول الله صلى الله عليه وسلم:
(إذا فتح الله عليكم مصر فإتخذوا فيها جنداً كثيرا فإنهم خير أجناد الأرض و هم في رباط إلى يوم الدين)
انا افتكرت الحديث دا امبارح لما شفت 3 شبان ماشين قدامنا الملفت بئى ف التلاته مش شخصيتهم طبعا ولا شكلهم اللى لفت نظرى لبسهم كلهم لابسين بنطلونات للركب يعنى مسقطين البنطلونات للركب!! ياعينى الحزام مشكور عامل مجهود جبار علشان يرفع البنطلون لكن دون جدوى المحاوله باءت بالفشل فهل دول هما خير اجناد الارض فعلا ؟!اه صحيح وشعرهم شعرهم كمان كان كارثه مش عارفه اوصفه الواحد كده واخد شويه من شعره لليمين على الجنب الشمال وبعدين عامل العكس وبعد كده الشويتين دول طالعين لاعلى الراس بيتهيئلى لازم يكون اللى عملهم مهندس معمارى شاطر جدا الله يكون فى عين الكوافيرات.
يا جماعه هو لازم الواحد يعمل كده علشان يبئى شيك وأمور وبياخد كام ساعه علشان يعمل العمايل دى . مش عارفه بس يمكن فيه ناس تزعل من كلامى ده بس انا مبحبش المناظر دى وكمان ممكن الواحد يبئى شكله احلى لو كان simple في كل حاجه حتى ف مظهره .ومش الوقت اللى بياخده فى تظبيط شعره ممكن يستفيد بيه يروح شغله بدرى كمان.
يا شباب خلينا نكون على أد المسؤوليه علشان نكون خير اجناد الارض زى ما قال رسولنا الكريم ولا انتوا مش معايا؟؟!!!!
دا بيتهيئلى لو حرب قامت لقدر الله اكيد على ما الواحد يفكر يحط جيل ولا يلبس كاب تكون الدنيا خربت وبئينا ف خبر كان.
اكيد طبعا مش كل الناس كده .
واكيد من غير زعل ولا ايييييه؟!!!!!!!..........