حاجه تقرف عذاب المصريين فى جامعه الازهر

الحقيقه هو مش عذاب بالضرب ولا حاجه لاسمح الله بس هو عذاب من نوع تانى لانهاياريت جات على الضرب ده هين ع اللى شفته
المهم انا هحكيلكم الحكايه وانتوا تحكموا
رحت فى يوم 25 او 26 /8 وما ادراكم ماشهر 8 المهم رحت اقدم لاختى علشان تعمل دراسات عليا ف الجامعه وما اقولوكوش بئى ع الموظفات وطوله بال الموظفات يبعتونى اصور ورقه وبعد ما ارجع لا دا فيه ورقه تانيه روحى صوريها فاكرين ان الواحد ماشى بطياره ع الارض وصورت كل الورق وقلت خلاص فرجت وهروح بس على مين لازم افضل مشرفاهم شويه قالتلى المدام فيه ورقه ناقصه لازم تسافرى تجيبيها من الجامعه واخر يوم 28 ماشى جيت يوم 28 ومعايا الورقه قالتلى روحى اشترى طوابع بنى مش فاهمه بنى ايه دى حياتنا اللى بئت بنى وكحلى ومتنيله بستين نيله المهم وامضى الورق من العميده وف الاخر لا العميده ولا بتاع البنى موجودين طيب بذمتكم ده يرضى مين العميده مش موجوده ف الجامعه ايه التهريج ده وياريت جات عليا انا بس ده والله فيه ناس جايه من الصعيد والمنصوره وحتت تانيه كتير مش عارفه هيستنو من الخميس 28 للاحد فين ماهو احنا لازم نبئى تحت رحمه ابو طوابع بنى و العميده ولازم يكون كل الموظفين اسمهم عبده روتين.