عايز اكلمها بس مش عارف
محتارة بجد كنت بشوف ناس كتير بتبأى عايزة تكلم واحدة ومعجب بيها بس لا هو بكلمها ولا حتى بيقولها معجب بيكى دة لدرجة انه كان فيه واحد معايا فى الجامعة فضل اكتر من سنة معجب بواحدة وخلصت السنة والدراسة كلها واتخرج صاحبنا ولا حتى قالها ازيك
....... ايه يا عم الخيابة دى بجد كان نفسى أعرف ليه الواد مش بيتجرأ كده ويروح يكلم البنت علطول كده ايه هى هتاكله؟؟؟؟؟؟؟؟؟؟؟؟؟؟
لغاية ما واحد زميلنا قللى السبب أتارى السبب الاساسى فى المشكلة هو الاحراج والكسوف هو هيقول ايه لا مش هكلمها أحسن تكسفنى او احسن تهزئنى , مش عارفة ليه كل ده هى احسن دى اللى موديانة فى داهية روح يا سيدى كلمها ولو كسفتك اتعامل مع الموقف ،، وانا عارفة الولاد مش هتغلب وهتعرف تدارى كسفتها ولو كلمتك بئى خير وبركة كلمها وهتبئوا اصحاب ويمكن اكتر
.......... بس يا عم فيه بنات بتتقل
دى بئى انا عارفاها كويس دى تكون عايزة تكلمك وهتموت عليك بس بتعمل قال مش واخدة بالها
عارف حلها ايه خليك فى الأول حسسها انك مهتم بيها بصلها وسبلها والحاجات دى لغاية ما تتأكد انك معجب بيها وتكون برضه مطنشة بس بعدين بئى سيبك منها ولا تعبرها هتيحس بتغيير وانك خلاص ضعت منها هتندم وهتحس بقيمتك ومش بعيد هى اللى تحاول تكلمك فى الحالة دى ممكن تخش انت عليها بئى بقلب جامد وهتدعيلى انما لو حسيت انها لسة سايقة الدلال بعد دة كله اديها على دماغها وسيبك منها يا عم بلا نيلة فيه الف غيرها اهم حاجة كرامتك .......... ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟